«Navoiyazot» ochiq aksiyadorlik jamiyati rasmiy sayti sahifasiga xush kelibsiz!!!
Men sizni bizning korxona xodimlari jamoasi nomidan qutlashdan xursandman.
Korxonamiz o'z faoliyatini 1964 yilda mineral o'g'itlar ishlab chiqaruvchi zavod sifatida boshlagan.
Hozirgi vaqtda «Navoiyazot» ochiq aksiyadorlik jamiyati sanoatning turli sohalarida ishlatiladigan 60 dan ortiq tovar mahsulotlarini chiqaradigan O'zbekiston kimyo sohasining eng yirik korxonasi hisoblanadi. «Navoiyazot» OAJ mahsulotlariga talab nafaqat O'zbekistonda, balki yaqin va uzoq xorijda ham mavjuddir.
«Navoiyazot» OAJ rivojlangan infratuzilma - yaxshi ta`mirlov bazasi, qulay podyezdli temir yo'l va avtomobil yo'llari, tozalash inshootlariga ega.
Rivojlangan infratuzilma va yuqori malakali mutaxassislarning mavjudligi, korxonaga o'tgan asrning 90-yillari og'ir damlariga qaramay sohadagi yetakchililik o'rnini saqlab qolishga va kelgusida rivojlanishiga yordam berdi.
Korxonada mahsulot sifatini yaxshilash, atrof-muhit muhofazasi, asosiy ishlab chiqarishlarni qayta qurish, innovatsiyalarni tadbiq qilish, korxona xodimlarini ijtimoiy himoya qilish, kadrlarni tayyorlash sohasida aniq maqsadga yo'naltirilgan siyosat o'tkazilmoqda. Bunday siyosat ishonchli kelajak garovi deb hisoblaymiz.
Hurmat bilan, «Navoiyazot» OAJ boshqaruv raisi v.b.
N.K.Soliev
