(99879) 229-22-36

Korxona faoliyati masalasi
yuzasidan yagona telefon raqam

(99879) 224-41-11

Ishonch telefoni

Прослушать
  1. Kompaniya haqida /
  2. Bugungi "Navoiyazot"

«Navoiyazot» Aksionerlik Jamiyati – shunday korxonaki, uning hayoti va tarixi O‘zbekistonning hayoti va tarixi bilan bevosita bog‘liq. Har kuni uning eshigidan minglab odamlar kiradi. Bu insonlar turli kasb-korga ega, lekin rahbardan tortib oddiy ishchigacha, hammani o‘z ishiga bo‘lgan mehr birlashtirib turadi.

Bugun «Navoiyazot» AJ jo‘shqin rivojlanayotgan, xalqaro hamkorlar orasida o‘z o‘rniga ega bo‘lgan, mineral o‘g‘itlar, kimyoviy reagentlar va boshqa kam tonnali kimyoviy mahsulotlar ishlab chiqarish dasturini bajarayotgan ko‘p profilli sanoat - ishlab chiqarish majmui. 

O‘zbekiston kimyoviy mahsulotlarining 30% dan ortig‘ini ishlab chiqarib, «O‘zkimesanoat» Aksionerlik jamiyatining baza segmentlaridan biri hisoblanadigan «Navoiyazot» AJ sanoat, transport, qishloq xo‘jaligi, yoqilg‘i-energetika majmui, shuningdek, xizmat sohasi, fan, madaniyat, maorifning deyarli barcha tarmoqlarini qamrab olgan. 

Korxonaning asosiy maqsadlaridan biri istemolchilar talabiga va mahsulot sifatining yuqori standartlariga muvofiq kelishdir, shu sababdan biz respublikada birinchilar qatorida o‘zimizda mahsulot ishlab chiqarishda texnologik reglamentga amal qilish va mahsulot va buyumlar sifatini talablarga muvofiqligini tasdiqlash, korxona mutaxassislarining ishlab chiqarishni jahon standartlari darajasida boshqarishi kafolati bo‘lgan, nufuzi va obro‘sini respublika va xalqaro darajada oshiradigan sifat menejmenti xalqaro tizimini joriy qildik. 

«Navoiyazot» AJ bo‘linmalari ishlab chiqarishning tugal siklini amalga oshirmoqda. Bu yerda yangi texnologiyalar o‘zlashtirilmoqda, ishlab chiqarish va boshqaruvda avtomatik tizimlar joriy qilinmoqda, mavjud majmualar zamonaviylashtirilib, yangi ishlab chiqarishlar bunyod qilinmoqda. 

Xozirgi vaqtda korxona rivojlanishning yangi bosqichiga ko‘tarildi va bozor iqtisodiyoti talablarida oldinga harakatlanmoqda. «Navoiyazot» AJ texnika va texnologiyalarining quvvati, progressiv xarakteri hamda ishchi va muxandislarining dadil novatorlik-ilmiy asoslangan fikrlari, yuksak kasb mahorati, birdamligi sabab Mustaqil O‘zbekistonimizning iftixori sifatida ko‘pgina korxonalarga namuna bo‘lib xizmat qilib kelmokda.
Oldiga qo‘ygan bosh maqsadlaridan biri xodimlar kasbiy tayyorgarligi va tasnifini oshirish, kadrlar tayyorlash bo‘lib, bu korxonaning asosiy boyligi yuqori darajali mutaxassislar ekanligini ko‘rsatadi. 10 000 dan ortiq ishchi ishlaydigan jamoada barqarorlik, xodimlar ijtimoiy muhofazasi sharoitlarini yaratish, ish samaradorligini oshirishga yo‘naltirilgan ijtimoiy siyosatga alohida e’tibor qaratiladi. 

Bolalarga, har tomonlama g‘amxo‘rlik,ularning sog‘lom kamolga yetishi uchun harakat qilish ertangi kun muvaffaqiyati garovidir. Kelajakni ko‘ra olgan holda yosh avlod uchun bunyodkorlik platformasini rejali shakllantirib, «Navoiyazot» AJ o‘z o‘tmishiga g‘amxo‘rlik bilan yondashadi. Aholining himoyaga muhtoj qatlami – nafaqaxo‘rlar, urush va mehnat fronti faxriylari, korxona veteranlari, nogironlar kasbiy bemorlar bizning ardog‘imizda. Ularga har yili moddiy yordam ko‘rsatiladi, ular kurort – sanatoriy tipidagi muassasalarda o‘z sog‘ligini tiklash va dam olish huquqiga ega. Insonlarga ezgu munosabatda bo‘lish korxona jamoasining o‘ziga xos xususiyatlaridan biri va bu odamiylik azaldan mavjud. 

O‘tgan yillar oralig‘ida «Navoiyazot» AJ jamoasi barcha sinovlarni bardosh bilan yengdi, hayot «imtihon»larini «a’lo»ga topshirdi, korxona hayotini formula bilan o‘lchasak, bu yangi texnologiya, doimiy rivojlanish, mahsulot sifati, menejment va nufuz, jamoa – oddiy ishchidan tortib rahbargacha «Navoiyazot» AJ – mening taqdirim» deb ayta oladigan maslakdosh insonlar guruhidir. Bu kishilar o‘z mehnati bilan Qizilqumni gullab- yashnagan o‘lkaga, Navoiy viloyatini old iqtisodiy hududga aylantirgan, o‘z vatani – O‘zbekiston Respublikasi, o‘z xalqining hurmat e’tiboriga sazovordirlar.

Innovatsion texnologiyalarni joriy etish hisobiga kapitallashtirish va daromadni kengaytirish, faoliyat turlarini diversifikatsiyalash, yuqori narxlanadigan mahsulotlarni ishlab chiqarishni o‘zlashtirish, yangi quvvatga ega bo‘lgan qurilishlar korxonaning strategik maqsadlari hisoblanadi. Texnologik jarayonlarning ekologiya va sanoat xavfsizligiga muvofiqligi, ijtimoiy masalalarning muvaffaqiyatli yechimi korxonaga o‘z vazifasini bajarish imkonini beradi. Doimiy o‘sish, mustahkam rivojlanish va atrof-muhitga nisbatan mas’uliyatli yondashuv jamiyatga katta foyda keltiradi, hayotimizni yaxshi tomonga o‘zgartiruvchi islohotlarni amalga oshirishga yordam beradi. 

«Navoiyazot» AJ rivojlanish strategiyasi umumdavlat investitsion siyosat asosida ishlab chiqilgan.

«Navoiyazot» AJ da chiqarilayotgan mahsulot sifatini yaxshilagan holda uning tannarxini pasaytirib ichki va tashqi bozorda korxonada mustahkam raqobatbardosh mahsulotlar ishlab chiqarilishini ta’minlash maqsadida uzoq istiqbolga mo‘ljallangan va texnologiyalarni modernizatsiya qilish hamda korxona ishlab chiqarishini yangi ish qurollari bilan ta’minlashga yo‘naltirilan investitsion loyihalar faol amalga oshirilmoqda.

Прослушать