4-MART — FAVQULODDA VAZIYATLAR VAZIRLIGI TASHKIL TOPGAN KUN

Asosiy > Yangiliklar > 4-MART — FAVQULODDA VAZIYATLAR VAZIRLIGI TASHKIL TOPGAN KUN

4-MART — FAVQULODDA VAZIYATLAR VAZIRLIGI TASHKIL TOPGAN KUN

Bugungi kunda “Navoiyazot” AJ obyektlarida favqulodda vaziyatlar bo‘limida 120 nafar xodim faoliyat yuritadi. Soha vakillarining asosiy vazifasi korxonada yuzaga kelishi mumkin bo‘lgan tabiiy va texnogen xususiyatga ega favqulodda holatlarning oldini olish, ularning oqibatlarini kamaytirish hamda bartaraf etish bo‘yicha chora-tadbirlarni amalga oshirishdan iborat. Shuningdek, jamiyat xodimlari orasida bu yo‘nalishdagi targ‘ibot tadbirlarini tashkil etish ham ular zimmasidagi mas’uliyatli vazifa.

So‘nggi yillarda bo‘lim xodimlari uchun qulay mehnat sharoitlari yaratildi. Moddiy-texnik baza mustahkamlanib, maxsus transport vositalari bilan ta’minlandi, ish qurollari soz va shay holatga keltirilgan. Sana munosabati bilan bir guruh kasb fidoyilari taqdirlandi.