Ayollarga ehtirom ko‘rsatildi

Asosiy > Yangiliklar > Ayollarga ehtirom ko‘rsatildi

Ayollarga ehtirom ko‘rsatildi

Ayol –go‘zallik timsoli. Unga eng munosib ta’rifni berish uchun shoirlar qalami ojiz, san’at ahlining kuy-qo‘shiqlarida esa opa-singillarimiz madhini kuylashga eng go‘zal ohang va chiroyli kalomlar yangraydi. Ayolga ehtirom ko‘rsatish – oliyjanoblik ifodasi.

Korxona faollar zalida o‘tkazilgan bayram tadbirida jamiyat boshqaruvi raisi Farrux Samadov tantana sababchilarini bahoriy ayyom bilan muborakbod etdi. Har bir ayolning “Navoiyazot”AJ rivojida munosib o‘ringa egaligi e’tirof etildi. Ularning shijoati, mehnati qadrli ekanligi, har sohada faol, erkaklar bilan yonma-yon faoliyat yuritib, jasorati, matonatini namoyon qilayotgani iftixor ila tilga olindi.

Bayram tadbiriga Navoiy shahridagi “Farhod” madaniyat saroyi yakkaxon xonandalari, xoreografik jamoalarning musiqiy chiqishlari, raqslari ko‘tarinkilik ulashdi.