AYОLLARGA EHTIROM KO‘RSATILDI

Asosiy > Yangiliklar > AYОLLARGA EHTIROM KO‘RSATILDI

AYОLLARGA EHTIROM KO‘RSATILDI

Bugun korxonaning faollar zalida 8-mart — Xalqaro xotin-qizlar kuniga bag‘ishlangan tantanali bayram tadbir bo‘lib o‘tdi. Unda jamiyat mutasaddilari, ishlab chiqarish majmualari, sexlardа mehnat qilayotgan, boshqarma, bo‘lim, xizmatlarda faoliyat yuritayotgan xotin-qizlar ishtirok etishdi.

Tadbirda “Navoiyazot” AJ boshqaruvi raisi Farrux Samadov jamiyatda sidqidildan faoliyat yuritayotgan xotin-qizlarni muborakbod etdi. Korxona rahbari ayolning samarali mehnati, fidoyiligi, mas’uliyati kimyoviy mahsulot va mineral o‘g‘itlarni ishlab chiqarish jarayoni natijadorligida muhim o‘ringa ega ekanligini mamnuniyat bilan e’tirof etdi.
Kasbiga sodiq, mehnatsevar, erkaklar bilan yelkama-yelka jamiyat istiqboli yo‘lida ish olib borayotgan, oilada ham o‘z o‘rniga ega xotin-qizlar nafaqat bayramda, balki har doim e’tiborda bo‘lishi ta’kidlandi.

Bayram tadbiri konsert dasturiga ulanib ketdi. O‘zbekiston Davlat filarmoniyasi Navoiy viloyati bo‘limi xonanda, sozanda, xoreografik jamoalarining musiqiy chiqishlari tantana ishtirokchilariga a’lo kayfiyat bag‘ishladi.