BAYRAM TABRIGI

Aziz hamkasblar, hurmatli soha vakillari!

Korxonada ishlab chiqarilayotgan kimyoviy mahsulot va mineral oʻgʻitlar sifati, yangi quvvatlar faoliyati, texnologik jarayonlarning uzluksizligi energetiklar mas’uliyati va kasbga boʻlgan sadoqatiga ham bogʻliq.

Sizning fidokorona, halol mehnatingiz, malaka, tajribangiz korxonamiz rivojiga munosib hissa boʻlib qoʻshilmoqda.

Yildan-yilga quyosh panellaridan samarali foydalanish, bosqichma-bosqich yashil energetikaga oʻtish orqali tabiiy resurslar tejamkorligiga erishmoqdamiz.

2025-yilning muhtaram yurtboshimiz tomonidan “Atrof-muhitni asrash va “yashil” iqtisodiyot yili” deb e’lon qilinishi zimmamizga katta mas’uliyat yuklaydi. Ishlab chiqarish jarayoniga “yashil” texnologiyalarni yanada keng joriy etishda esa sizning tashabbus va faolligingiz muhim oʻrin tutadi.

Sana munosabati bilan sizlarni bugungi kasb bayramingiz bilan tabriklayman. Nafaqat xonadoningiz, balki qalbingiz ham hamisha nurga toʻlishini, hayotingiz quyosh tafti singari qaynoq, rang-barang chiroqlar yogʻdusi kabi yorqin boʻlishini tilayman.

Bayram qutlugʻ boʻlsin!

Farrux Samadov
“Navoiyazot”AJ boshqaruvi raisi