G‘OLIBLAR TAQDIRLANDI

Asosiy > Yangiliklar > G‘OLIBLAR TAQDIRLANDI

G‘OLIBLAR TAQDIRLANDI

Mustaqillik shodiyonalari munosabati bilan korxona xodimlari o‘rtasida o‘tkazilgan sport musobaqalarining g‘oliblari taqdirlandi.

Yengil atletika bo‘yicha 1-o‘rinni 201-sex vakillari egallashdi.

Shaxmat musobaqasida erkaklar orasida 1-o‘rin 918-sex xodimi Sohibjon Eshqobilovga nasib etdi, ayollar bahsida esa 26-sexdan Zumrad Ergasheva yetakchi ekanligini namoyon etdi.

Shashka bellashuvlarida 42-sex vakili G‘ayrat Ahmedov va 26-sex mutaxassisi Zumrad Ergashevalar g‘olib bo‘lishdi.

Sportning voleybol turi boʻyicha erkaklar bahslarida mehnat faxriylaridan iborat jamoa 1-oʻringa sazovor boʻldi, ayollar ishtirokidagi musobaqalarda esa Оrganik sintez va nitron tolasi ishlab chiqarish majmuasi voleybolchilari g‘oliblik shohsupasidan joy egallashdi.

Barcha sport turlari bo‘yicha g‘olib hamda sovrindorlarga jamiyat kasaba uyushma qo‘mitasining sovg‘alari topshirildi.