HAMJIHATLIK ISH UNUMDORLIGINI OSHIRADI

Asosiy > Yangiliklar > HAMJIHATLIK ISH UNUMDORLIGINI OSHIRADI

HAMJIHATLIK ISH UNUMDORLIGINI OSHIRADI

Jamiyatning 18-sexida Oila va xotin-qizlar xizmati tomonidan sayyor qabul tashkil etildi. Muloqotda korxonada xodimlar uchun yaratilgan sharoit, imkoniyat, imtiyozlar haqida so‘z yuritildi. Jamoadagi ahillik, hamjihatlikning ish unumdorligidagi o‘rniga to‘xtalib o‘tildi. Sifatli mahsulot ishlab chiqarishda nafaqat mutaxassislar bilimi, izlanuvchanligi orqali shaxsiy namuna bo‘lishi, balki tarbiyasi, odobi, milliy qadriyatlarga sadoqati bilan ham ibrat ko‘rsatishi lozimligi qayd etildi.

Yangi shakllangan jamoaning korxona va kimyo sanoatidagi o‘rni beqiyos. Zamonaviy quvvatda ishlash imkoniyatini mas’uliyatga aylantira olish ko‘zlangan rejani bajarishda muhim omil sifatida xizmat qiladi. Uchrashuv dolzarb masala, hayotiy vaziyatlar tahlili bilan manfaatli bo‘ldi.