KORXONA KASABA UYUSHMA QO‘MITASI RAISI SAYLANDI

Asosiy > Yangiliklar > KORXONA KASABA UYUSHMA QO‘MITASI RAISI SAYLANDI

KORXONA KASABA UYUSHMA QO‘MITASI RAISI SAYLANDI

Konferensiyada korxona kasaba uyushma qo‘mitasi raisini saylash masalasi ko‘rib chiqildi. Ushbu lavozimga amalda ushbu vazifada faoliyat yuritayotgan Feruza Fayziyeva hamda ijtimoiy masalalar bo‘yicha bo‘lim boshlig‘i Tolmas Ro‘zimurotovlarning nomzodi qo‘yildi.

Nomzodlardan birini qo‘llab-quvvatlash maqsadida yopiq ovoz berish yo‘li bilan o‘tkazilgan saylovda 176 nafar delegat ishtirok etdi. Ularning 6 nafari betaraf ekanligini bildirgan bo‘lsa, 126 ta ovoz bilan Feruza Fayziyeva korxona kasaba uyushma qo‘mitasi raisligiga qayta saylandi.

Konferensiya ishtirokchilari delegatlarning katta qismi ishonch bildirgan qo‘mita raisini muborakbod etib, Feruza Fayziyevaning kelgusi yillardagi faoliyatida shijoat va kuch-quvvat tiladilar.

Shuningdek, jamiyat kasaba uyushma qo‘mitasi tarkibi, taftish komissiyasi raisi, tarkibi, O‘zbekiston kimyo va farmatsevtika sanoati xodimlari kasaba uyushmasi respublika Kengashi hamda O‘zbekiston kasaba uyushmalari federatsiyasining viloyat Kengashi tarkibiga vakillar saylandi.