KORXONA MUTASADDILARI VA YОSHLAR EKOLOGIK TADBIRDA FAOL ISHTIROK ETISHDI

Asosiy > Yangiliklar > KORXONA MUTASADDILARI VA YОSHLAR EKOLOGIK TADBIRDA FAOL ISHTIROK ETISHDI

KORXONA MUTASADDILARI VA YОSHLAR EKOLOGIK TADBIRDA FAOL ISHTIROK ETISHDI

Davlatimiz rahbarining “Yashil makon” umummilliy loyihasi doirasida tashkil etilgan ko‘chat ekish tadbirida so‘zlagan nutqida ekologik tadbirlarda faol qatnashish orqali atrof-muhit muhofazasiga hissa qo‘shish tashabbusi ilgari surildi. Prezidentimiz tomonidan tabiatni asrash uchun daraxt ko‘chatlarini ekish har kunlik maqsadga aylanmog‘i lozimligi ta’kidlandi. Bu jarayonda rahbar va yoshlarning o‘rni alohidaligi qayd etildi.

“Navoiyazot” AJ boshqaruvi raisi Farrux Samadov boshchiligidagi mutasaddilar va korxonaning yigit-qizlari “Bir yoshga bir nihol” shiori ostidagi ekologik tadbirda qatnashishdi. Jamiyat sanatoriy-profilaktoriysi hududidagi maydonga manzarali ko‘chat ekilib, havo musaffoligini ta’minlashga hissa qo‘shildi.

Bunday tadbirlar nafaqat yoshlar orasida ekologik madaniyatni yanada yuksaltirish, balki korxonada atrof-muhit muhofazasiga birinchi galdagi muhim vazifa sifatida e’tibor qaratilayotganining ifodasidir.