MOLIYAVIY BOSHQARUVNI RAQAMLASHTIRISH YOʻLIDA

Asosiy > Yangiliklar > MOLIYAVIY BOSHQARUVNI RAQAMLASHTIRISH YOʻLIDA

MOLIYAVIY BOSHQARUVNI RAQAMLASHTIRISH YOʻLIDA

Oʻzbekiston Respublikasi Prezidentining 2025-yil 19-noyabrdagi “Davlat korxonalarida tannarxni kamaytirish va samaradorlikni oshirish chora-tadbirlari toʻgʻrisida”gi farmoyishiga muvofiq, strategik yirik davlat korxonalarida “Yagona gʻaznachilik” axborot tizimi hamda “Moliyaviy model” elektron dasturini joriy etish, shuningdek yordamchi funksiya va xizmatlarni autsorsing asosida tashkil etish vazifalari belgilangan.

Bugun “Navoiyazot” AJ mutasaddilari hamda “UzAssets” AJ vakillari bilan boʻlib oʻtgan uchrashuvda farmoyish ijrosini ta’minlashga qaratilgan chora-tadbirlar haqida soʻz yuritildi. Ta’kidlanganidek, “UzAssets” AJ tomonidan korxonaning moliyaviy boshqaruvini raqamlashtirish maqsadida pilot loyihani amalga oshirish rejalashtirilgan.

Oʻrganish davomida mutaxassislar korxonadagi biznes jarayonlarini tahlil qilishadi, mavjud axborot tizimlari, ishlab chiqilayotgan platforma bilan integratsiyaga tayyorgarlik darajasini aniqlaydilar.