“Navoiyazot” AJ Ichki audit xizmati rahbari lavozimiga tanlov e’lon qiladi. Nomzodlar хalqaro ichki audit standartlari (The IIA’s International Standards) talablariga mos va quyidagi bilim hamda ko‘nikmalarga ega bo‘lishi kerak:

Oliy ma’lumot (iqtisod, moliya, huquq yoki menejment sohasida);

Ichki audit sohasida kamida 5 yil davomidagi rahbarlik tajribasi;

Xalqaro sertifikatlar(CIA – Certified Internal Auditor, CRMA yoki AССA ning xalqaro ichki audit ekvivalentidagi sertifikatlari)dan biriga ega boʻlishi;

Xalqaro audit standartlari bo‘yicha chuqur bilim hamda 1S dasturini mukammal bilishi;

Moliyaviy, operatsion hamda ichki nazoratga oid xavflarni aniqlash, tahlil qilish boʻyicha bilimga ega boʻlishi (sertifikat yoki shu sohada ishlaganligini asoslovchi hujjat nusxasi);

Ingliz tilini yuqori darajada bilishi (xalqaro hisobot va standartlar bilan ishlash uchun).

ISO 31000:2018 (Xavflarni boshqarish xalqaro standarti), ISO 37001:2016 (korrupsiyaga qarshi menejment tizimi) bo‘yicha tajriba hamda yirik sanoat (kimyo, neft-gaz, energetika) korxonalarida ishlaganlik tajribasi qo‘llab-quvvatlanadi.

Nomzodlar ma’lumotnoma (obyektivka, rezyume), pasport asli (nusxasi), diplom asli (nusxasi), ichki audit sertifikati nusxasi bilan "Navoiyazot"AJning xodimlar bilan ishlash boshqarmasiga murojaat etishlari mumkin.

Hujjatlar 2026-yilning 13-aprel sanasigacha qabul qilinadi. 

Qo‘shimcha ma’lumotlar uchun telefon: 
(90) 730-44-72