RAHBAR VA YОSHLAR: TAKLIF, TASHABBUSLAR MARKAZIDAGI MULOQOT

Asosiy > Yangiliklar > RAHBAR VA YОSHLAR: TAKLIF, TASHABBUSLAR MARKAZIDAGI MULOQOT

RAHBAR VA YОSHLAR: TAKLIF, TASHABBUSLAR MARKAZIDAGI MULOQOT

Korxonaning faollar zalida “Navoiyazot” AJ boshqaruvi raisining marketing, sotish va sotib olish bo‘yicha o‘rinbosari Baxtiyor Jo‘raqulov ishtirokida “Rahbar va yoshlar” uchrashuvi bo‘lib o‘tdi. Muloqotda yigit-qizlar uchun yaratilgan imkoniyat, imtiyozlar haqida so‘z yuritildi. Tadbir ishtirokchilari mehnat sharoitlarini yanada yaxshilash, laboratoriyalar uchun qo‘shimcha jihozlar xarid qilish, ayrim texnologik uskunalarni yangilash bo‘yicha o‘z takliflarini blidirdilar.

Muloqot davomida mehnat qonunchiligiga oid bir qator savollarga javob berildi. Yoshlar ish faoliyatini amalga oshirish jarayonida oliy o‘quv yurtlarida tahsil olish, malaka oshirish, nazariy bilimlarni amaliyotda mustahkamlashga oid bir qator tashabbuslarni ilgari surdilar. Korxonada xorijiy til, fizika, kimyo fanlari bo‘yicha sertifikatga ega bo‘lgan yoshlarni qo‘shimcha rag‘batlantirish tartibi yuzasidan mas’ullar tomonidan tushuntirish ishlari olib borildi. Uchrashuvda bildirilgan takliflar e’tiborga olinib, ularni tez fursatda amalga oshirish bo‘yicha chora-tadbirlar belgilanishi ta’kidlandi.