XORIJLIK MUTAXASSISLAR YANGI LOYIHANI O‘RGANISHDI

Asosiy > Yangiliklar > XORIJLIK MUTAXASSISLAR YANGI LOYIHANI O‘RGANISHDI

XORIJLIK MUTAXASSISLAR YANGI LOYIHANI O‘RGANISHDI

Korxonada investitsiya dasturi doirasida Germaniyaning “Linde” kompaniyasi bilan hamkorlikda havoni taqsimlash uchkunasini barpo etish rejalashtirilgan. Loyihaning umumiy qiymati 66 mln. dollar bo‘lib, yiliga 200 mln. m3 kislorod hamda 224 mln. m3 azot ishlab chiqarish kutilmoqda. 2027-yilda foydalanishga topshirilishi belgilangan quvvat 50 ta yangi ish o‘rnini tashkil etish imkonini ham beradi.

Shu munosabat bilan TOO “Ensor management consultants” kompaniyasi mutaxassislari, shuningdek, Yevropa taraqqiyot va tiklanish banki vakillari “Navoiyazot”AJda bo‘lishdi.

Xorijlik mutaxassislar loyiha barpo etilishi kutilayotgan hududni o‘rganishdi. Uskunaning ekologik xavfsizligi, atrof-muhitga ziyon yetkazmasligi, texnik jihatdan zamon talabiga qay darajada javob berishi, shuningdek loyihada mehnat muhofazasini ta’minlash masalasiga qaratilgan e’tibor tahlil etildi.

O‘rganishlar natijasi loyihani moliyalashtirish, uskunani jahon standartlari talabi darajasida barpo etishga xizmat qiladi.