YONG‘IN XAVFSIZLIGI, FAVQULODDA HOLATLARGA TAYYORGARLIK SINOVDAN O‘TKAZILDI

Asosiy > Yangiliklar > YONG‘IN XAVFSIZLIGI, FAVQULODDA HOLATLARGA TAYYORGARLIK SINOVDAN O‘TKAZILDI

YONG‘IN XAVFSIZLIGI, FAVQULODDA HOLATLARGA TAYYORGARLIK SINOVDAN O‘TKAZILDI

Korxonada amaliy o‘quv mashg‘uloti tashkil etildi. Unda xodimlarga zilzila sodir bo‘lganda to‘g‘ri harakatlanish, yong‘inlar kelib chiqishining oldini olish bo‘yicha tushuntirish ishlari olib borildi. Xodimlarga bunday holatlar kuzatilganda xavfsiz joyga o‘tish, binodan evakuatsiya qilish qoidalari, birlamchi yong‘in o‘chirish vositalaridan to‘g‘ri foydalanish hamda yong‘in sodir bo‘lgan taqdirda tegishli xizmatlarga zudlik bilan xabar berish tartibi yuzasidan amaliy ko‘nikmalar berildi.

Mashg‘ulot davomida mehnat muhofazasi va sanoat xavfsizligi talablariga qat’iy rioya etish, har bir xodimning favqulodda vaziyatlarga tayyorligini oshirish hamda ehtimoliy xavflarning oldini olishga qaratilgan profilaktik chora-tadbirlarning ahamiyati alohida ta’kidlandi. Bunday amaliy o‘quvlar xodimlarning favqulodda vaziyatlarda to‘g‘ri va tezkor harakat qilish ko‘nikmalarini mustahkamlash, ish joylarida xavfsiz mehnat muhitini ta’minlashga xizmat qiladi.