ZAMONAVIY BILIMGA EGA MUTAXASSISLAR KORXONA RAVNAQIGA XIZMAT QILADI

Asosiy > Yangiliklar > ZAMONAVIY BILIMGA EGA MUTAXASSISLAR KORXONA RAVNAQIGA XIZMAT QILADI

ZAMONAVIY BILIMGA EGA MUTAXASSISLAR KORXONA RAVNAQIGA XIZMAT QILADI

Jamiyatga qarashli o‘quv markazida korxonada mehnat qilayotgan elektrgazpayvandlovchilarning malakasi oshirilmoqda. O‘quv jarayoni davomida tinglovchilar elektrgazpayvandlash ishlarini zamonaviy texnologiyalar asosida bajarish, mehnat muhofazasi va sanoat xavfsizligi talablariga qat’iy rioya etish, payvandlash uskunalaridan samarali foydalanish hamda ishlab chiqarishda uchraydigan turli texnik holatlarda to‘g‘ri qaror qabul qilish bo‘yicha nazariy va amaliy bilimlarini mustahkamlamoqda.

Mashg‘ulotlar tajribali mutaxassislar ishtirokida amaliy mashqlar bilan uyg‘unlashtirilgan holda o‘tkazilayotgani tinglovchilarning kasbiy mahoratini yanada oshirishga xizmat qilmoqda. Bunday o‘quv kurslari ishlab chiqarishda bajarilayotgan payvandlash ishlari sifati va ishonchliligini ta’minlash, shuningdek, mehnat unumdorligini oshirishga hissa qo‘shadi.