HAMJIHATLIK VA SPORTSEVARLIK SINOVI

Asosiy > Yangiliklar > HAMJIHATLIK VA SPORTSEVARLIK SINOVI

HAMJIHATLIK VA SPORTSEVARLIK SINOVI

Korxona xodimlarining sport turlariga boʻlgan qiziqishini oshirish, ular orasida hamjihatlikni mustahkamlash, mutaxassislarni ragʻbatlantirish maqsadida shashka boʻyicha musobaqalarga start berildi.

Bellashuvda jamiyatning ishlab chiqarish majmualarida faoliyat yuritayotgan mutaxassislar ishtirok etishmoqda. Qizgʻin bahslar 26-noyabrgacha davom etib, gʻoliblar jamiyat kasaba uyushma qoʻmitasi tomonidan ragʻbatlantiriladi.

Shuningdek, sportning yengil atletika, stol tennisi, shaxmat turlari boʻyicha ham musobaqalar oʻtkazilishi rejalashtirilgan. Ulardagi faollik jamiyat xodimlarining sportga oshno ekanligini yana bir bor namoyon etishga xizmat qiladi.