IMKONIYАT VA HAMKORLIK BIRLASHGAN MANZIL

Asosiy > Yangiliklar > IMKONIYАT VA HAMKORLIK BIRLASHGAN MANZIL

IMKONIYАT VA HAMKORLIK BIRLASHGAN MANZIL

23-24 oktyabr kunlari Surxondaryo viloyati hududiy tarmoqlararo sanoat yarmarkasiga mezbonlik qilmoqda. Unda kimyo, qurilish, oziq-ovqat, to‘qimachilik, mashinasozlik, qishloq xo‘jaligi, elektr-texnika va boshqa sohalardagi yuzlab korxonalar ishtirok etyapti.

Mahalliy ishlab chiqaruvchilar o‘rtasida hamkorlikni mustahkamlash, ichki bozorda import o‘rnini bosuvchi mahsulotlarni targ‘ib qilish, yangi investitsiyaviy va innovatsion loyihalarni ilgari surish hamda hududlar o‘rtasidagi savdo-iqtisodiy aloqalarni rivojlantirish maqsadida tashkil etilgan tadbirda “Navoiyazot”AJ mas’ullari ham korxonada ishlab chiqarilayotgan mahsulotlar ko‘rgazmasi bilan qatnashishmoqda.

Tadbir doirasida yangi hamkorlik shartnomalarining imzolanishi, innovatsion mahsulotlar va texnologiyalar namoyishi o‘tkazilishi rejalashtirilgan.