ISHLAB CHIQARISH VA OLIY TA’LIM HAMKORLIGI

Asosiy > Yangiliklar > ISHLAB CHIQARISH VA OLIY TA’LIM HAMKORLIGI

ISHLAB CHIQARISH VA OLIY TA’LIM HAMKORLIGI

Malakali kadrlarni tayyorlash, soha vakillarining oʻz mutaxassisliklari boʻyicha oliy oʻquv yurtida tahsil olishlariga imkon yaratish maqsadida “Navoiyazot” AJ tomonidan nufuzli ta’lim dargohlari bilan yaqin hamkorlikda ish olib borilmoqda.

Mendeleyev nomidagi Rossiya kimyo-texnologiya universiteti Toshkent filialiga talabalikka qabul qilingan 30 nafar xodim bir oy davomida malakali pedagoglardan ta’lim oladi.

Jamiyatning oʻquv markazida 3 hafta davomida masofaviy ta’lim olgan talabalar imtihonlarni poytaxtda topshiradilar. Korxona rahbariyati tashabbusi bilan xodimlarning oliy ma’lumotli boʻlishlariga qaratilgan e’tibor ular uchun qulay imkoniyatga aylandi.

Shartnoma pulining jamiyat tomonidan toʻlab berilishi hamda onlayn ta’limning yoʻlga qoʻyilganligi 1-bosqich talabalarini moddiy jihatdan qoʻllab-quvvatlashda muhim oʻrin tutadi.