NAZORAT VA O‘RGANISH XAVFNING OLDINI OLISHDA MUHIM

Asosiy > Yangiliklar > NAZORAT VA O‘RGANISH XAVFNING OLDINI OLISHDA MUHIM

NAZORAT VA O‘RGANISH XAVFNING OLDINI OLISHDA MUHIM

Korxona xodimlari sog‘ligiga ta’sir etadigan ishlab chiqarish jarayoni, sinov laboratoriya faoliyati bilan bog‘liq, shuningdek ekologik xavf-xatarlarni qayta ko‘rib chiqish maqsadida tashkil etilgan ishchi guruhi a’zolari jamiyatning majmua hamda sexlarida o‘rganish ishlarini olib borishyapti.

Mehnat muhofazasi va texnika xavfsizligi, uyg‘unlashgan boshqaruv tizimlari vakillari, ekologlar, laboratoriya xodimlaridan iborat mutaxassislar tomonidan ISO 9001, ISO 14001, ISO 45001 va ISO 50001 xalqaro standartlar talablariga muvofiq faoliyat yuritilayotgani ko‘zdan kechirilmoqda.

Bunday nazorat tadbirlari korxona faoliyati samaradorligini oshirish, qonunchilikka rioya qilmaslik bilan bog‘liq xavflarni kamaytirish, kutilmagan oqibatlarning oldini olish yoki kamaytirish, nufuzini yaxshilash va raqobatbardoshligini oshirish imkonini beradi.

Shuningdek, xodimlar salomatligi va hayoti muhofazasi, ekologik muammolarning oldini olish, baxtsiz hodisalar kelib chiqishiga yo‘l qo‘ymaslik, xavf-xatarlarni o‘z vaqtida aniqlash va ularni boshqarishga xizmat qiladi.