QULAYLIK SAMARADORLIKKA XIZMAT QILADI

Asosiy > Yangiliklar > QULAYLIK SAMARADORLIKKA XIZMAT QILADI

QULAYLIK SAMARADORLIKKA XIZMAT QILADI

Korxona obyektlarida yong‘in xavfsizligini ta’minlashni tashkil etish bo‘limi umumiy qiymati 8 milliard 705 million so‘mlik 2 ta zamonaviy maxsus transport vositalari bilan ta’minlandi. Yong‘inni bartaraf etish bilan birga qutqaruv ishlarini ham olib borish uchun zarur bo‘lgan barcha jihozlari mavjud mashinalar sig‘imi kattaligi, tejamkorligi, xodimlarning o‘z vazifasini bajarishida qulaylik yaratishi bilan ajralib turadi.

Soha vakillarining salomatligi va hayoti xavfsizligini ta’minlash maqsadida 70 dona qiymati 1 milliard 379 million so‘m bo‘lgan gaz hamda tutundan himoyalash qurilmalari jamlanmasi ham xarid qilindi. Bunday qulaylik bo‘limda mehnat qilayotgan 120 nafar xodimning favqulodda holatlardagi shayligini yanada oshirish, yong‘in bilan bog‘liq vaziyatda tezkorlik bilan harakatlanish orqali xodimlar hayoti muhofazasini ta’minlash, iqtisodiy ziyonning oldini olishda muhim ahamiyatga ega.