"RAHBAR VA YOSHLAR" — MULOQOT, TASHABBUS MINBARI

Asosiy > Yangiliklar > "RAHBAR VA YOSHLAR" — MULOQOT, TASHABBUS MINBARI

"RAHBAR VA YOSHLAR" — MULOQOT, TASHABBUS MINBARI

Korxonada “O‘zkimyosanoat” AJ va "Navoiyazot" AJ mutasaddilari ishtirokida “Rahbar va yoshlar” uchrashuvi bo‘lib o‘tdi. Unda yurtimizda kimyo sanoati rivoji, bu yo‘nalishda malakali mutaxassislarni tayyorlashga qaratilgan e’tibor haqida ma’lumot berildi.

Samimiy ruhda o‘tgan uchrashuv davomida yoshlarni qiziqtirgan savollarga javob berildi. Jumladan, xorijiy tillarni o‘rganish, oliy ma’lumot olish, kadrlarni tanlash, ularning malakasini oshirish jarayoni bilan bog‘liq ma’lumotlar tadbir ishtirokchilari uchun manfaatli bo‘ldi.

Laborator tahlillar sifatini oshirish, korxona xodimlari uchun sohaga oid adabiyotlarning onlayn platformasini yaratish, axborot kommunikatsiya texnologiyalaridan yanada samarali foydalanish imkoniyatlarini kengaytirish, yoshlarning kimyoga bo‘lgan qiziqishini oshirishga qaratilgan bir qator takliflar ilgari surildi.

Qizg‘in savol-javob tarzida o‘tgan muloqot kelgusidagi faoliyatda yoshlar bildirgan takliflarni e’tiborga olgan holda ish samaradorligini yanada oshirish, qolaversa soha rivojiga hissa qo‘shadigan intiluvchan mutaxassislar safini kengaytirishga xizmat qilsa ajabmas.