YЕTAKCHI BOSHQARUV KONSALTING KOMPANIYASI VAKILLARI “NAVOIYAZOT”AJDA BO‘LISHDI

Asosiy > Yangiliklar > YЕTAKCHI BOSHQARUV KONSALTING KOMPANIYASI VAKILLARI “NAVOIYAZOT”AJDA BO‘LISHDI

YЕTAKCHI BOSHQARUV KONSALTING KOMPANIYASI VAKILLARI “NAVOIYAZOT”AJDA BO‘LISHDI

McKinsey&Company vakillari korxonada bo‘lib, jamiyat mutasaddilari bilan uchrashdilar. Mehmonlar korxona faoliyati bilan yaqindan tanishib, investitsion loyihalar xususida ma’lumotga ega bo‘lishdi.

65 dan ortiq mamlakatlarda o‘z vakolatxonalariga ega korporatsiya har yili dunyo bo‘yicha 2000dan ziyod loyihalarni amalga oshiradi. “Navoiyazot”AJ bilan hamkorlik yetakchi kompaniya vakillaridan strategiya va rivojlanish, moliya hamda sarmoya, marketing, sotuv, raqamli transformatsiya, ishchi kuchi samaradorligini oshirish, kimyo sanoati rivoji uchun muhim bo‘lgan maslahatlarni olish imkonini beradi.

Muloqotda hamkorlik istiqbollari muhokama etildi, jamiyat faoliyatini o‘rganish, tahlil qilish orqali mavjud imkoniyatlarni kengaytirish, harajatlarni optimallashtirish, resurslardan samarali foydalanish, korxonaning yaqin besh yilga mo‘ljallangan barqaror rivojlanish strategiyasini ishlab chiqish singari bir qator muhim masalalar bo‘yicha o‘zaro fikr almashildi.