Asosiy > Monopoliyaga qarshi komplaens xizmati
Monopoliyaga qarshi komplaens xizmati
KIRISH SO‘ZI
Raqobat iqtisodiy taraqqiyotning muhim omili hisoblanib, u nafaqat bozorning samarali faoliyatiga, balki eng avvalo iste’molchilar farovonligini kafolatlashga xizmat qiladi.
Monopoliyaga qarshi komplayens tizimi Jamiyatning xavfsiz biznes hamkor sifatidagi ishonchliligini mustahkamlash orqali uning bozordagi boshqa xo‘jalik sub’yektlariga nisbatan raqobatbardoshligini oshirishga xizmat qiladi.
Shuningdek, Monopoliyaga qarshi komplayens tizimi sog‘lom raqobat qilish madaniyatini shakllantiradi va Jamiyatning barcha darajalardagi xodimlari ularning faoliyati qanday tartibga solinishi, muayyan vaziyatlarda qanday xatti-harakatlarni amalga oshirishlari borasidagi yuqori xabardorlik va mavjud normalarga rioya etishni ta’minlaydi.
O‘zbekiston Respublikasi Prezidentining 2020-yil 6-iyuldagi “Raqobat muhitini yanada rivojlantirish va iqtisodiyotdagi davlat ishtirokini qisqartirish bo‘yicha qo‘shimcha chora-tadbirlar to‘g‘risida”gi PF-6019-sonli Farmoniga hamda Vazirlar Mahkamasining 2021-yil 2-martdagi “Monopoliyaga qarshi komplayens tizimini joriy etish chora-tadbirlari to‘g‘risida”gi 114-son qaroriga muvofiq, “Navoiyazot” AJning 2021-yil 27-mayidagi 795-sonli buyrug‘i bilan “Navoiyazot” AJda monopoliyaga qarshi komplayens tizimi joriy qilingan.
Shuningdek, ushbu tizimni yanada takomillashtirish va raqobat muhitini yaxshilash maqsadida “Navoiyazot” AJning 2024-yil 6-iyundagi 1070/664-sonli buyruq-qararori bilan Monopoliyaga qarshi kurash tizimi kengaytirilib, Monopoliyaga qarshi komplayens xizmati tashkil etildi hamda Xizmatga qo‘yidagi vazifalar ustivor etib belgilandi:
Raqobat to‘g‘risidagi qonunchilik hujjatlari talablarining ehtimoliy buzilish xavflarini aniqlash va baholash hamda uni boshqarish;
Jamiyat faoliyatining raqobat to‘g‘risidagi qonunchilik hujjatlari talablariga muvofiqligini ta’minlash va monitoring qilish;
Jamiyat faoliyatida raqobat to‘g‘risidagi qonunchilik hujjatlari talablari buzilishining hamda rahbarlar tomonidan o‘z vazifalarini bajarish jarayonida raqobatga zid xatti-harakatlar amalga oshirilishining oldini olish;
Jamiyatda monopoliyaga qarshi komplayens tizimini ishlash samaradorligini baholash va ta’minlash;
Jamiyat xodimlarida raqobat to‘g‘risidagi qonunchilik hujjatlari talablari buzilishining oldini olish va muntazam ravishda ushbu yo‘nalish bo‘yicha ularning malakasini oshirish yuzasidan o‘qitish yo‘li bilan raqobat to‘g‘risidagi qonunchilik hujjatlariga doir fikrlarini rivojlantirish.
“Navoiyazot” AJ boshqaruv raisi
Samadov Farrux Xamzayevich
Komplayens-nazorat boshqarmasi monopoliyaga qarshi komplayens xizmati boshlig‘i lavozim yo‘riqnomasi