ISTE’MOLCHILAR HUQUQLARI DAVLAT HIMOYАSIDA

Asosiy > Yangiliklar > ISTE’MOLCHILAR HUQUQLARI DAVLAT HIMOYАSIDA

ISTE’MOLCHILAR HUQUQLARI DAVLAT HIMOYАSIDA

“Butunjahon iste’molchilar huquqlarini himoya qilish kuni” munosabati bilan korxonaning xomashyo, asbob-uskunalar xarid qilish bo‘limi xodimlari ishtirokida mavzuga oid seminar o‘tkazildi.

Unda jamiyatning komplaens-nazorat boshqarmasi monopoliyaga qarshi komplaens xizmati, xodimlar bilan ishlash boshqarmasi, kasaba uyushma qo‘mitasi vakillari ishtirok etdilar.

Muloqotda “Butunjahon iste’molchilar huquqlarini himoya qilish kuni” tarixi, O‘zbekiston Respublikasi Prezidentining 2019-yil 11-sentabrdagi “Iste’molchilar huquqlarini himoya qilishning huquqiy va institutsional tizimini tubdan takomillashtirish chora-tadbirlari to‘g‘risida”gi Farmoni va “O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi faoliyatini tashkil etish to‘g‘risida”gi qarori mohiyati yuzasidan ma’lumot berildi.

Har bir fuqaroning iste’molchi sifatidagi haq-huquqlari davlat himoyasida ekanligi, mehnat faoliyati davomida bu yo‘nalishdagi qonunchlik talablariga rioya etish muhimligi ta’kidlandi.