JAMOA SHARTNOMASI AMALDA

Asosiy > Yangiliklar > JAMOA SHARTNOMASI AMALDA

JAMOA SHARTNOMASI AMALDA

Korxona xodimlarini moddiy jihatdan qo‘llab-quvvatlash, ularning salomatligini mustahkamlashda qo‘shimcha qulaylik yaratish maqsadida tibbiy sanitariya qismida statsionar sharoitda davolanayotgan jamiyat xodimlari 2026-yilgi jamoa shartnomasiga kiritilgan o‘zgartirish samarasi o‘laroq, bepul kompleks ovqat bilan ta’minlanmoqda. Bu orqali ularning sog‘lig‘ini tezroq tiklash, organizmni zarur ozuqa moddalari bilan ta’minlash hamda davolanish jarayonini samarali tashkil etish maqsad qilingan.

Kompleks ovqat tarkibi shifokor va mutaxassislar tavsiyasi asosida shakllantirilib, unga organizm uchun foydali mahsulotlar kiritilgan. Xodimlarga yaratilgan bunday qulaylik ular sog‘ligiga qaratilgan e’tibor natijasi bo‘lib, kimyogarlarning mehnat qobiliyatini tiklash hamda ijtimoiy himoyani ta’minlashga xizmat qiladi.