QISHLOQ XO‘JALIGIDA YUQORI HOSILDORLIK GAROVI

Asosiy > Yangiliklar > QISHLOQ XO‘JALIGIDA YUQORI HOSILDORLIK GAROVI

QISHLOQ XO‘JALIGIDA YUQORI HOSILDORLIK GAROVI

“Navoiyazot” AJ tomonidan qishloq xo‘jaligida yuqori samaradorlikni ta’minlaydigan yangi mahsulot KAS (karbamid-ammiak selitrasi) suyuq mineral o'g'iti ishlab chiqarila boshlandi.

Ushbu azotli mahsulot erkin ammiak yo'qligi sababli an'anaviy o'g'itlardan farq qiladi va asosiy o'g'it sifatida yoki vegetatsiya davrida o'simliklarni oziqlantirish uchun qo'llaniladi, tuproqqa yaxshi singadi, hosildorlikni oshiradi, ayniqsa fosforli o'g'itlar kam bo'lgan sharoitda uni o'zlashtirishga yordam beradi.

Bugungi kunda korxonada mahsulotning KAS-28, KAS-32 kabi konsentratsiyali shakllari mavjud. Karbamid va ammiakli selitraning suvli eritmasi qishloq xo‘jaligida shudgorlashdan, ekishdan oldin, vegetatsiya davrida o'simliklar uchun muhim bo‘lgan ozuqani ta’minlashi bilan ahamiyatli.