TANLOV G‘OLIBLARI ANIQLANDI

Asosiy > Yangiliklar > TANLOV G‘OLIBLARI ANIQLANDI

TANLOV G‘OLIBLARI ANIQLANDI

Mutaxassislarning kasbiy bilim va ko‘nikmalarini oshirish, ular o‘rtasida sog‘lom raqobat muhitini shakllantirish hamda ish jarayonida xavfsizlik qoidalariga rioya etish madaniyatini yanada mustahkamlash maqsadida korxona xodimlari ishtirokida “Eng mohir yosh elektr ta’minotchisi” ko‘rik-tanlovi bo‘lib o‘tdi.
Ishtirokchilar test savollariga javob berish, elektr jihozlaridan to‘g‘ri foydalanish, avariyaviy holatlarda tezkor qaror qabul qilish va amaliy topshiriqlarni bajarish bo‘yicha o‘z mahoratlarini namoyish etdilar. Hakamlar hay’ati a’zolari har bir ishtirokchining bilim darajasi, ishni bajarish sifati va mehnat muhofazasi talablariga amal qilishini baholab bordi.
Barcha shartlar yakuniga ko‘ra, 3-o‘rinni 920-sex mutaxassisi Sardor Sobirov egalladi. 2-o‘rin 12-sex vakili Ma’ruf Ahmedovga nasib etdi. Faxrli 1-o‘ringa 13-sex sharafini himoya qilgan Majid Azizov munosib deb topildi.