Previous Next

"Navoiyazot" AJda korporativ boshqaruv samaradorligini oshirish va muhim strategik vazifalarni belgilash maqsadida 2026-yilning 1-yarim yilligi yakunlari bo‘yicha Kuzatuv kengashi huzuridagi ixtisoslashtirilgan qo‘mitalarning yig‘ilishi bo‘lib o‘tdi.

Unda jamiyatning hisobot davridagi moliyaviy-xo‘jalik faoliyati natijalari, ishlab chiqarish ko‘rsatkichlari, investitsiya loyihalarining amalga oshirilishi, moliyaviy barqarorlikni ta’minlash, ichki nazorat va risklarni boshqarish tizimini takomillashtirish masalalari atroflicha ko‘rib chiqildi.

Shuningdek, ishlab chiqarish samaradorligini oshirish, xarajatlarni maqbullashtirish, mahsulot tannarxini pasaytirish, eksport salohiyatini kengaytirish hamda korxonada zamonaviy korporativ boshqaruv tamoyillarini izchil joriy etish bo‘yicha amalga oshirilayotgan ishlar muhokama qilindi.

Qo‘mitalar a’zolari tomonidan har bir yo‘nalish bo‘yicha erishilgan natijalar tahlil qilinib, mavjud masalalar va ularni hal etish choralari yuzasidan takliflar bildirildi. Shu asosda 2026-yilning ikkinchi yarim yilligi uchun ustuvor vazifalar belgilab olindi.

Yakunda muhokama qilingan masalalar bo‘yicha tegishli tavsiya va takliflar ishlab chiqilib, ularni Kuzatuv kengashi muhokamasiga kiritish yuzasidan qarorlar qabul qilindi.