Previous Next

“Navoiyazot” AJ vakillari Hindiston – O‘zbekiston biznes forumida ishtirok etishdi. Nyu-Dehli shahrida o‘tkazilgan ushbu nufuzli tadbir ikki davlat ishbilarmon doiralari, xalqaro tashkilotlar hamda ekspertlarni birlashtiruvchi nufuzli muloqot maydoni hisoblanadi. Forumning asosiy maqsadi iqtisodiy hamkorlikni mustahkamlash, savdo va investitsiyalarni rivojlantirish, innovatsiyalarni rag‘batlantirishdan iborat.

Forum doirasida sanoat kooperatsiyasi, kimyo sanoati, qo‘shma loyihalarni amalga oshirish, zamonaviy texnologiyalarni joriy etish hamda eksport salohiyatini kengaytirish masalalari yuzasidan qator uchrashuv va muhokamalar o‘tkazildi. Korxona vakillari xorijiy kompaniyalar mas’ullari, investorlar va ishbilarmon doira vakillari bilan muzokaralar o‘tkazib, jamiyatning ishlab chiqarish quvvatlari, amalga oshirilayotgan modernizatsiya dasturlari, ekologik barqarorlikka qaratilgan tashabbus hamda investitsion imkoniyatlar haqida ma’lumot berishdi. 

Shuningdek, ikki tomonlama manfaatli uchrashuvlar davomida eksportni kengaytirish, yuqori qo‘shilgan qiymatga ega mahsulotlar ishlab chiqarish bo‘yicha hamkorlikni rivojlantirish, ilg‘or texnologiyalar va tajriba almashinuvini yo‘lga qo‘yish istiqbollari muhokama qilindi.