XODIMLAR BILAN UCHRASHUV OʻTKAZILDI

Asosiy > Yangiliklar > XODIMLAR BILAN UCHRASHUV OʻTKAZILDI

XODIMLAR BILAN UCHRASHUV OʻTKAZILDI

Korxonaning 56-sexida jamiyat boshqaruvi raisi Farrux Samadov ishtirokida sayyor qabul boʻlib oʻtdi. Murojaat, taklif, fikr-mulohazalar uchun samimiy muloqot imkoniyatiga aylangan tadbirda xodimlar oʻz savollari, tashabbuslari bilan ishtirok etishdi.

Xususan, moddiy-texnik baza, mutaxassislar faoliyatini ragʻbatlantirish mezonlari, ish jarayonidagi qulayliklar singari masalalar boʻyicha tushuntirish ishlari olib borildi. Muloqot davomida ishtirokchilar yaratilayotgan imkoniyatlar uchun rahbariyatga minnatdorlik bildirdilar.

Uchrashuvda korrupsiyaning oldini olish, bu illatga qarshi hamjihatlikda kurashish lozimligi qayd etildi. Korxona boshqaruvi raisi ishtirokidagi sayyor qabullar davom etadi.