“Navoiyazot” AJ boshqaruvi raisining ishlab chiqarish bo‘yicha birinchi o‘rinbosari Muhammadali Vafoyevning korrupsiyaga qarshi kurashishga qaratilgan murojaati

So‘nggi yillarda mamlakatimizda korrupsiyaning oldini olish, unga qarshi kurashish, davlat va jamiyat qurilishining barcha sohalarida korrupsiogen omillarga chek qo‘yishga qaratilgan keng ko‘lamli islohotlar izchil amalga oshirilmoqda. Bu yo‘nalishda Respublikamizda korrupsiyaga qarshi kurashishning huquqiy mexanizmi yaratilgan holda 2017-yilning 3-yanvarida O‘zbekiston Respublikasining “Korrupsiyaga qarshi kurashish to‘g‘risida”gi qonuni qabul qilindi hamda bir qator normativ-huquqiy hujjatlarda korrupsiyaning oldini olish va bartaraf etish bo‘yicha chora-tadbirlar belgilandi. Shuningdek Prezidentimizning 30.12.2025-yildagi "O‘zbekiston Respublikasida korrupsiyaning oldini olish va unga qarshi kurashish tizimini yanada takomillashtirish to‘g‘risida"gi Farmoni qabul qilingan bo‘lib, unda  korrupsiogen omillarni erta aniqlash va korrupsiya oqibatlariga qarshi kurashish o‘rniga profilaktik mexanizmlarni joriy etish orqali tizimli korrupsiya holatlarining oldini olish, raqamli texnologiyalar, shu jumladan sun’iy intellektdan samarali foydalanish, davlat organlari va tashkilotlari faoliyatida ochiqlik siyosatini takomillashtirish belgilangandir.

Ishlab chiqarishda korrupsiyaning oldini olish shaffoflik, ichki nazorat va xodimlarning huquqiy savodxonligini oshirishni talab qiladi. Shartnomalar, xaridlar va xodimlarni ishga olishda raqamlashtirish, manfaatlar to‘qnashuvini boshqarish hamda korrupsiyaga nisbatan murosasizlik muhitini yaratish orqali asossiz xarajatlar va qonun buzilishlarining oldi olish maqsadida ishlab chiqarish faoliyatida shaffof xarid tizimini joriy etish, manfaatlar to‘qnashuvini boshqarish, ichki audit va nazoratni kuchaytirish, xodimlar o‘rtasida odob-axloq qoidalarini targ‘ib qilish va korrupsiyaga qarshi immunitetni shakllantirish kabi asosiy choralar qo‘llanilmoqda. Bugungi kunda korxona faoliyatiga oid barcha xaridlar, tenderlar va shartnomalarni elektron platformalar orqali amalga oshirish yo‘lga qo‘yilgan bo‘lib, ishlab chiqarishda korrupsiyaga qarshi kurashish bo‘yicha ISO 37001 xalqaro standarti talablari asosida doimiy o‘quv kurslari va seminarlar tashkil etilmoqda, korrupsiyaviy holatlar haqida anonim xabar berish tizimini (ishonch telefonlari) yo‘lga qo‘yilgan bo‘lib, bu chora-tadbirlar korxona faoliyatida qonuniylikni ta’minlash va korrupsiya xavfini minimallashtirishga xizmat qilmoqda. Shuningdek korxonada ISO 37001:2016  Korrupsiyaga qarshi boshqaruv tizimi ishlab chiqilgan bo‘lib, ushbu illat bilan bog‘liq xatarlarni bartaraf etishga qaratilgan mexanizm ekanligi bilan ahamiyatlidir. Korxonada komplayens va korrupsiyaga qarshi kurashish boshqarmasi ushbu standart talablari asosida poraxo‘rlikka qarshi tadbirlarni tashkil etish, amalga oshirish, va korrupsiya xolatlarining oldini olish bo‘yicha faoliyat olib bormoqda.

Prezidentimiz ta’kidlaganlaridek, “Korrupsiyaga qarshi kurashish har bir sof vijdonli insonning, demokratik jamiyat va davlatning muqaddas burchidir”. Bu so‘zlarni har birimiz shior qilib olishimiz zarur. 

Korrupsiyaga qarshi kurash — barchamizning vazifamiz. Ishlab chiqarish korxonalari ham bu kurashda faol ishtirok etishlari kerak. Bu illatga qarshi kurashish orqali biz iqtisodiy o‘sishni rag‘batlantiramiz, investitsiyalarni jalb qilamiz, raqobatbardoshlikni oshiramiz va jamiyatda ishonchsizlikni kamaytiramiz.