YASHIL TARAQQIYOT UCHUN ZAMONAVIY YECHIMLAR

Asosiy > Yangiliklar > YASHIL TARAQQIYOT UCHUN ZAMONAVIY YECHIMLAR

YASHIL TARAQQIYOT UCHUN ZAMONAVIY YECHIMLAR

O‘zbekiston Ekologik partiyasi viloyat Kengashi hamda Navoiy davlat konchilik va texnologiyalar universiteti hamkorligida “Yoshlar tashabbuslari: Yashil taraqqiyot uchun zamonaviy yechimlar” mavzusida davra suhbati va ekotanlov o‘tkazildi.

Tadbir doirasida “Navoiyazot” AJga ekskursiya tashkil etildi. Talabalar korxona faoliyati bilan yaqindan tanishib, ishlab chiqarish jarayonlarida ekologik xavfsizlikni ta’minlash bo‘yicha olib borilayotgan chora-tadbirlar haqida batafsil ma’lumot oldilar.

Yoshlarga korxona tomonidan Navoiy shahri va Karmana tumani hududida atmosfera havosini muntazam nazorat qilish maqsadida 28 ta zamonaviy kuzatuv stansiyalari o‘rnatilgani xususida soʻz yuritildi.

Shuningdek “Yashil makon” umummilliy loyihasi doirasida ko‘chat ekish aksiyasi tashkil etildi. Mutaxassislar yoshlar bilan suhbatlashib, daraxtlarni parvarish qilish, sug‘orish tizimlarini to‘g‘ri yo‘lga qo‘yish, hududni ko‘kalamzorlashtirishning ekologik ahamiyati haqida tajribalari bilan oʻrtoqlashdilar.