26-IYUN — BUTUNJAHON GIYOHVANDLIKKA QARSHI KURASH KUNI

Asosiy > Yangiliklar > 26-IYUN — BUTUNJAHON GIYOHVANDLIKKA QARSHI KURASH KUNI

26-IYUN — BUTUNJAHON GIYOHVANDLIKKA QARSHI KURASH KUNI

Giyohvandlik fuqarolar salomatligi, jamiyatdagi tinchlik va barqarorlikka tahdid soladi. U nogironlik, jinoyatlar, oilalar parokandaligi kabi ko‘plab salbiy oqibatlarga olib keladi. Shu bois bu illatga qarshi kurashish butun dunyoda global muammolardan biriga aylangan.

Korxona tibbiy sanitariya qismida sanaga bag‘ishlangan targ‘ibot tadbiri bo‘lib o‘tdi. Unda soha vakillarining ish jarayonida murojaat qilib kelayotgan kimyogarlarning mavzu yuzasidan tibbiy bilimini oshirishda faol ishtirok etishlari lozimligi ta’kidlandi.

Muloqotda tibbiyot xodimlari oldida turgan muhim vazifalarga e’tibor qaratilib, kasb egalari sifatli tibbiy xizmat ko‘rsatish barobarida, giyohvandlikning oqibatlari bo‘yicha fuqarolarning xushyorligini oshirishlari muhimligi qayd etildi. Zero, salomatlik va hayot sifatiga ta’sir etuvchi illat millat kelajagiga rahna soladi.

26.06.2025 y.