AHIL JAMOADA BAYRAM SHUKUHI

Asosiy > Yangiliklar > AHIL JAMOADA BAYRAM SHUKUHI

AHIL JAMOADA BAYRAM SHUKUHI

Ammiak va karbamid ishlab chiqarish majmuasi sexlaridagi istiqlol shukuhi bayramona bezatilgan maskan, milliy liboslardagi xotin-qizlar, kasbidan mamnun xodimlar qiyofasida aks etdi. Mehnatsevarlik, korxona rivoji, yurt taraqqiyotiga daxldorlik hissi katta jamoani nafaqat har kunlik ish jarayonida, balki bayramlarda ham birlashtiradi.

Vatan madhini tarannum etuvchi chiqishlar yig‘ilganlar qalbiga g‘urur hissini jo etdi. Ishlash va yashash ishtiyoqi, mehnatga munosib rag‘batdan minnatdorlik ifodasi so‘z va ko‘zlarda yaqqol namoyon bo‘ldi. Hamjihatlik, ahillik birlashtirgan majmua xodimlari mustaqillik shodiyonalariga munosib tuhfa bo‘lgan kimyo sanoatidagi yutuqlarda hissalari borligidan faxrlanadilar. Topshirilgan faxriy yorliqlar esa kelgusi natija hamda yutuqlar uchun motivatsiya bo‘ldi.