“AVTOMOBILSIZ KUN” — EKOLOGIK MUHOFAZAGA QARATILGAN MUHIM TASHABBUS

Asosiy > Yangiliklar > “AVTOMOBILSIZ KUN” — EKOLOGIK MUHOFAZAGA QARATILGAN MUHIM TASHABBUS

“AVTOMOBILSIZ KUN” — EKOLOGIK MUHOFAZAGA QARATILGAN MUHIM TASHABBUS

Prezident Farmoniga ko‘ra, har oyning 10 va 25-sanalarida “Avtomobilsiz kun” aksiyasini o‘tkazish belgilandi. Ushbu tashabbus ekologik barqarorlikni ta’minlash, atmosfera havosiga chiqariladigan zararli moddalar hajmini qisqartirish hamda aholi o‘rtasida ekologik mas’uliyatni oshirishga qaratilgan.

Bugun aksiya doirasida korxona mutasaddilari va mas’ul xodimlar xizmat avtomashinalaridan foydalanishmaydi. Haydovchilarga ekologik tadbirning ahamiyati va jarayonda ular tomonidan bajarilishi lozim bo‘lgan vazifalar tushuntirildi. Transport vositalari texnik ko‘rikdan o‘tkazildi.

Jamiyatda ish unumdorligini oshirish va ko‘rsatilayotgan transport xizmati sifatini yanada yaxshilash maqsadida 10 ta yangi yengil avtomashinalar xarid qilindi. Shuningdek, 45 ta ulov uchun ekologik stikerlar olindi. Bu esa korxonada nafaqat mahsulot ishlab chiqarish jarayonida atrof-muhit muhofazasiga qaratilayotgan e’tibor, balki transport vositalarining ekologik toifasini belgilash, nazorat qilish orqali havo sifatini yaxshilashga yo‘naltirilgan tashabbusdagi faol ishtirokdan dalolat beradi.