Previous Next

Mustaqillik — erkin yashash, xalqning oʻz taqdirini oʻzi belgilash huquqi, milliy qadriyatlarning tiklanishi va yuksalishi, ezgu orzu va intilishlarning roʻyobga chiqishi yoʻlidagi buyuk imkoniyat. Uning qadri shukrona va daxldorlik hissida namoyon boʻlmoqda.
Oʻzbekiston Respublikasi Davlat mustaqilligining 34 yilligini munosabati bilan “Vatan uchun, millat uchun, xalq uchun!” shiori ostidagi asosiy bayram tadbiri bo‘lib o‘tdi. 
Davlat madhiyasi yangragan tadbir avvalida soʻzga chiqqan Navoiy shahar hokimi Dilmurod Ergashev hamda korxona boshqaruvi raisi Farrux Samadovlar istiqlol ayyomi bilan barcha xodimlar, tadbir ishtirokchilarini muborakbod etishdi. Hech bir insonni Vatanga boʻlgan muhabbat, sadoqat va fidoyilik tark etmasligi, samarali mehnat kelajak avlod uchun ibrat va namuna boʻlishi lozimligi taʼkidlandi. Kelgusidagi maqsad va vazifalar haqida soʻz yuritildi.
Bayram munosabati bilan kimyo sanoati rivojiga munosib hissa qoʻshib kelayotgan, oʻz mehnati, shijoati, tashabbuskorligini namoyon etib, jamoa va jamiyatda hurmatga sazovor boʻlgan bir guruh korxona xodimlari “Oʻzkimyosanoat”AJ, “Navoiyazot”AJ hamda Navoiy shahar hokimligining faxriy yorliq va esdalik sovgʻalari bilan taqdirlandilar. Korxonaning Texnologiya, innovatsiyalar va mahalliylashtirish boshqarmasi boshligʻi Said Hakimovga “Mehnat faxriysi” koʻkrak nishoni topshirildi. Tadbir konsert dasturi bilan davom etdi. Viloyat maqom markazining musiqiy chiqishlari barcha yigʻilganlarga bayram kayfiyatini ulashdi.