BILIM, ISHONCH VA RAG‘BAT MUVAFFAQIYAT SARI YETAKLAYDI

Asosiy > Yangiliklar > BILIM, ISHONCH VA RAG‘BAT MUVAFFAQIYAT SARI YETAKLAYDI

BILIM, ISHONCH VA RAG‘BAT MUVAFFAQIYAT SARI YETAKLAYDI

Korxona boshqaruvi raisining mahalliylashtirish va sanoatda kooperatsiya aloqalarini kengaytirish masalalari bo‘yicha o‘rinbosari Muhammadali Vafoyev Toshkent viloyatining Bo‘stonliq tumanida o‘tkazilgan Kimyo sanoati yosh mutaxassislari forumi ishtirokchilari bilan uchrashdi.

Muloqotda jamiyat yigit-qizlarining tadbirdagi faolligi e’tirof etildi. Ularning yutuq va natijalari bardavom bo‘lishiga tilak bildirildi. Yoshlar oyligi doirasida tashkil etilayotgan tadbirlarda intiluvchan mutaxassislarning tashabbuskorligi tengdoshlarini ham ruhlantiradi.

“Navoiyazot” AJda yosh iqtidor sohiblarining kasbiy mahoratini oshirish, zamonaviy bilim va ko‘nikmalarni egallashi hamda mamlakat taraqqiyotiga munosib hissa qo‘shishlari uchun barcha imkoniyatlar yaratilishi ta’kidlandi. Uchrashuv samimiy ruhda o‘tib, yoshlar o‘zlarini qiziqtirgan masalalar yuzasidan fikr-mulohazalarini bayon etdilar va takliflar bilan o‘rtoqlashdilar.