Previous Next

Korxonada “Jaholatga qarshi ma’rifat” mavzusida davra suhbati tashkil etildi. Unda din ishlari bo‘yicha qo‘mitaning viloyat hududiy boshqarmasi, IIB terrorizm va ekstremizmga qarshi kurash boshqarmasi mutaxassislari hamda huquqni muhofaza qiluvchi idoralar vakillari ishtirok etishdi.

Uchrashuv davomida tinchlik va barqarorlikning ahamiyati, yoshlarni turli yot g‘oyalar ta’siridan himoya qilish, diniy bag‘rikenglik va millatlararo totuvlikni mustahkamlash masalalariga alohida e’tibor qaratildi. Mutaxassislar tomonidan ekstremizm va terrorizmning salbiy oqibatlari, internet va ijtimoiy tarmoqlarda tarqalayotgan zararli axborotlarni tanqidiy baholash, axborotdan foydalanishda hushyorlik va mas’uliyatni oshirish yuzasidan tushuntirishlar berildi.

Shuningdek, jaholat va turli buzg‘unchi g‘oyalarga qarshi kurashishda ma’rifat, bilim va sog‘lom dunyoqarash muhim ahamiyat kasb etishi ta’kidlandi. Ayniqsa, yosh avlodning huquqiy va ma’naviy savodxonligini yuksaltirish, ularda Vatanga sadoqat va daxldorlik tuyg‘usini mustahkamlash borasida fikr-mulohazalar bildirildi.

Mavzuga oid statistik ma’lumotlar, real holatlar tahlili uchrashuv ishtirokchilarining xushyorligini oshirdi. Davra suhbati ochiq muloqot tarzida o‘tib, jamiyat xodimlari o‘zlarini qiziqtirgan savollarga mutaxassislardan batafsil javob oldilar. Bunday ma’rifiy uchrashuvlar кimyogarlarning huquqiy va ma’naviy bilimini oshirish, turli tahdidlarga nisbatan ogohlikni kuchaytirishga xizmat qiladi.