“Navoiyazot” AJ ERP tizimini yaratish va joriy etish bo‘yicha tijorat takliflarini qabul qiladi

“Navoiyazot” AJ tomonidan korxonada ERP tizimini yaratish va joriy etish bo‘yicha manfaatdor kompaniyalardan tijorat takliflarini olish ishlari amalga oshirilmoqda.

Mazkur loyiha O‘zbekiston Respublikasi Prezidentining 2025-yil 18-noyabrdagi “Davlat korxonalarida tannarxni pasaytirish va samaradorlikni oshirish chora-tadbirlari to‘g‘risida”gi F-59-son Farmoni hamda Jamiyatning raqamli transformatsiyasini rivojlantirish bo‘yicha belgilangan vazifalar doirasida amalga oshirilmoqda.

Loyiha doirasida

ERP tizimining quyidagi funksional modullarini yaratish va joriy etish nazarda tutilgan:

“Moliya” (FI);

“Kontrolling” (CO);

“Biznes-rejalashtirish va konsolidatsiya” (BPC/EPM);

“Asosiy ma’lumotlarni boshqarish” (MDM).

Shuningdek, loyiha doirasida parallel ravishda ishlab chiqilayotgan:

“Moddiy oqimlarni boshqarish” (MM);

“Laboratoriya axborot tizimi” (LIMS);

“Avtotransport va logistika” (ATiL)

modullari bilan tegishli integratsiyani ta’minlash nazarda tutilgan.

Tijorat taklifida quyidagilar ko‘rsatilishi lozim:

1.      Ishlarning umumiy qiymati hamda bosqichlar va funksional modullar kesimida qiymatlarning taqsimoti;

2.      Loyihani amalga oshirish bo‘yicha dastlabki kalendar reja-grafik va ishlarni bajarish muddatlari;

3.      Kompaniya haqida qisqacha ma’lumot hamda o‘xshash ERP loyihalarini amalga oshirish tajribasi;

4.      Amalga oshirilgan loyihalar bo‘yicha referens-ro‘yxat va buyurtmachilar to‘g‘risidagi ma’lumotlar;

5.      Loyiha jamoasi tarkibi, asosiy mutaxassislarning malakasi va tajribasi;

6.      Taklif etilayotgan dasturiy platforma, texnologik yechimlar va texnologik stek to‘g‘risidagi ma’lumotlar;

7.      Tegishli ishlarni bajarish huquqini tasdiqlovchi litsenziya, sertifikat va boshqa hujjatlar (mavjud bo‘lsa);

8.      ERP tizimini joriy etish, texnik qo‘llab-quvvatlash va keyingi rivojlantirish bilan bog‘liq xarajatlar to‘g‘risidagi ma’lumotlar.

ERP tizimiga qo‘yiladigan batafsil talablar “Navoiyazot” AJda ERP tizimini yaratish va joriy etish bo‘yicha texnik topshiriq loyihasida keltirilgan.

Tijorat takliflarini taqdim etish muddati - 2026-yil 20-avgustga qadar.

Tijorat takliflarini quyidagi elektron pochta manzillariga yuborishingiz mumkin:

-         office@navoiyazot.uz

-         i.xalikov@navoiyazot.uz

Yozma shakldagi tijorat takliflari quyidagi manzilda qabul qilinadi:

O‘zbekiston Respublikasi, Navoiy viloyati, Navoiy shahri, 210105, Navoiy-5.