FARMON IJROSI TA’MINLANMOQDA

Asosiy > Yangiliklar > FARMON IJROSI TA’MINLANMOQDA

FARMON IJROSI TA’MINLANMOQDA

O‘zbekiston Respublikasi Prezidentining 2025-yil 26-dekabrdagi «Davlat xaridlari tizimida raqobat muhiti va shaffoflikni ta’minlash bo‘yicha navbatdagi chora-tadbirlar to‘g‘risida»gi Farmonining 4-ilovasiga muvofiq, 2026-yilning 1-yanvaridan boshlab, bir shartnoma bo‘yicha bazaviy hisoblashning 250 barobari miqdorigacha bo‘lgan davlat xaridlari uchun agar davlat buyurtmachisi tomonidan talab qilingan mahsulotning mahalliylashtirish darajasi 30 foizdan yuqori bo‘lsa va mahalliy ishlab chiqaruvchi buyurtmachi joylashgan hududda faoliyat yuritsa mazkur mahsulotlar uchun uch yil muddatga to‘g‘ridan-to‘g‘ri kafolatli xarid qilish shartnomasi (ofteyk shartnoma) tuzishga ruxsat beriladi.

Farmon ijrosini ta’minlash maqsadida «Navoiyazot» AJ tomonidan Navoiy shahrida joylashgan “Gold automation team” MCHJ bilan hamkorlikda laboratoriya jihozlarini sotib olish maqsadida ofteyk shartnomalar imzolash jarayonlari boshlab yuborildi.

Bunday imkoniyat moliyaviy rejalashtirishni osonlashtiradi, xavflarni kamaytiradi, uzoq muddatli hamkorlikni mustahkamlashga xizmat qiladi.