FUQARO MUHOFAZASI — JAMIYАT BARQARORLIGINING OMILI

Asosiy > Yangiliklar > FUQARO MUHOFAZASI — JAMIYАT BARQARORLIGINING OMILI

FUQARO MUHOFAZASI — JAMIYАT BARQARORLIGINING OMILI

“Navoiyazot” AJdagi ishlab chiqarish majmualari va sexlarda faoliyat yuritayotgan xodimlarni fuqaro muhofazasi bo‘yicha o‘qitishga yo‘naltirilgan mashg‘ulotlar boshlandi.

Tinglovchilar favqulodda vaziyatlarda ishchi-xodimlar va aholini ogohlantirish, bu jarayonda korxonadagi kuch hamda tuzilmalarning harakati, o‘zaro hamkorlik, turli xil tan jarohatlari, zaharlanish, kuyishlar, shikastlanishda birinchi tibbiy yordamni ko‘rsatish bo‘yicha ko‘nikmalarni mustahkamlashadi.

Shuningdek, shaxsiy himoya vositalari, ulardan foydalanish tartibi, yong‘inga qarshi kurash, o‘t o‘chirish jihozlarini ishlatish usullari va qoidalari, yong‘inlarni o‘chirishda qo‘l keladigan uskunalar bo‘yicha nazariy ma’lumotlarga ega bo‘lishadi. O‘quv dasturi 27-fevralgacha davom etib, yakunda egallangan bilimlar natijasi test sinovlari orqali aniqlanadi.