HAMKORLIK MEMORANDUMI IMZOLANDI

Asosiy > Yangiliklar > HAMKORLIK MEMORANDUMI IMZOLANDI

HAMKORLIK MEMORANDUMI IMZOLANDI

Ta’lim va ishlab chiqarish integratsiyasi malakali mutaxassislarni tayyorlash va ilmiy izlanishlar uchun yangi imkoniyat eshiklarini ochadi. Bu yo‘nalishda korxona tomonidan oliy ta’lim muassasalari bilan olib borilayotgan ishlar o‘zining ijobiy samarasini bermoqda.

“Navoiyazot”AJ boshqaruvi raisi Farrux Samadov va Navoiy davlat universiteti rektori, professor Muxiddin Kalonov o‘rtasida memorandum imzolandi.

Mazkur hujjat ikki tomonlama manfaatli hamkorlikni mustahkamlash, ilm-fan va ishlab chiqarish integratsiyasini rivojlantirish, yosh mutaxassislarni tayyorlash tizimini zamonaviy ehtiyojlar va dual ta’lim tizimi asosida takomillashtirishni nazarda tutadi.

Memorandum doirasida talabalar uchun ishlab chiqarish amaliyotlarini “Navoiyazot”AJ bazasida tashkil etish, ilmiy-tadqiqot ishlari, innovatsion loyihalar va kadrlar salohiyatini oshirishga qaratilgan qo‘shma dasturlarni amalga oshirish, ishlab chiqarish obyektlarida kafedralar filiallarini ochish, o‘qituvchilar va ilmiy xodimlar uchun korxona sharoitida tajriba almashish imkoniyatlarini yaratish kabi yo‘nalishlarda hamkorlik qilinadi.