HAMKORLIK, TASHABBUS, INNOVATSION TAKLIFLAR MAYDONI

Asosiy > Yangiliklar > HAMKORLIK, TASHABBUS, INNOVATSION TAKLIFLAR MAYDONI

HAMKORLIK, TASHABBUS, INNOVATSION TAKLIFLAR MAYDONI

Poytaxtda o‘tkazilayotgan “Women in STEM” ilmiy haftaligi sho‘ba majlislari bilan davom etmoqda. Tadbir doirasida “Yashil gorizontlar: fanda innovatsiyalar va barqaror rivojlanish”, “Nexus Impact: mas’uliyatli dunyoqarashni shakllantirish”, “Muhandis ayollar: porloq kelajakni loyihalash” singari yo‘nalishlarda ilmiy taqdimotlar, muhandis ayollarning bir qator innovatsion tashabbuslari ilgari surilmoqda.

Haftalik davomida “Navoiyazot” AJ Innovatsiya va mahalliylashtirish bo‘limi muhandis-texnologi Mohira Axatovaning “Kaliyli o‘g‘itlar ishlab chiqarishda chiqindi sulfat kislotadan foydalanishning texnologik tamoyillari” mavzusidagi taqdimoti ham tinglandi.

Ushbu tadbir izlanuvchan, faol xotin-qizlar orasida ilmiy hamkorlikni yanada kengaytirish, ilg‘or tadqiqot natijalarini ommalashtirish hamda ayollarning STEM sohalaridagi faolligini oshirishga xizmat qiladi.