IFTIXOR HISSI VA E’TIROFDAN MAMNUNLIK

Asosiy > Yangiliklar > IFTIXOR HISSI VA E’TIROFDAN MAMNUNLIK

IFTIXOR HISSI VA E’TIROFDAN MAMNUNLIK

Kasbga muhabbat va sadoqat, korxonada mehnat qilishdan baxtiyorlik hissi. Bir maqsad yo‘lida faoliyat yuritayotgan 10-sex jamoasi ham istiqlol shodiyonalariga alohida hozirlik ko‘rdi. Tantanali tadbirda iqtidor, qobiliyat, ijodkorlik, iftixor hissi namoyon bo‘ldi.

Xodimlar tomonidan tayyorlangan chiqishlarda mustaqillikning ular hayotidagi o‘rni, istiqlol ato etgan imkoniyatlardan minnatdorlik, korxonada inson qadriga qaratilgan e’tibor o‘z ifodasini topdi. Sexdagi halol mehnati, jonkuyarligi, mas’uliyati bilan hamkasblariga o‘rnak bo‘lib kelayotgan bir guruh soha fidoyilari mustaqillikning 35 yilligi munosabati bilan faxriy yorliqlarga munosib ko‘rildi. Bunday e’tirof yanada shijoat bilan mehnat qilishga undaydi.