ILM-FAN VA ISHLAB CHIQARISH INTEGRATSIYASI KIMYO SANOATI RIVOJIDA MUHIM

Asosiy > Yangiliklar > ILM-FAN VA ISHLAB CHIQARISH INTEGRATSIYASI KIMYO SANOATI RIVOJIDA MUHIM

ILM-FAN VA ISHLAB CHIQARISH INTEGRATSIYASI KIMYO SANOATI RIVOJIDA MUHIM

Mamlakatimiz yetakchisi boshchiligida joriy yilning 2-iyunida bo‘lib o‘tgan kimyo sanoatini rivojlantirishga qaratilgan videoselektor yig‘ilishida belgilangan ustuvor vazifalar ijrosini ta’minlash maqsadida O‘zbekiston Fanlar Akademiyasi vitse-prezidenti boshchiligidagi bir guruh olimlar “Navoiyazot” AJga kelishdi.

Korxona mas’ullari tomonidan mehmonlarga jamiyat haqida batafsil ma’lumot berilib, amalga oshirilayotgan ishlar, ishlab chiqarilayotgan mahsulotlar, yangi investitsion loyihalar yuzasidan taqdimot o‘tkazildi.

Muloqot davomida mahalliy xomashyo resurslarini qayta ishlash, import o‘rnini bosuvchi, qo‘shilgan qiymatli mahsulotlarni ishlab chiqarish bo‘yicha istiqbolli loyihalarni o‘rganish, ilm-fan va ishlab chiqarish hamkorligini yanada kengaytirish yuzasidan o‘zaro fikr almashildi.

Uchrashuvda ilmiy-tadqiqot institutlari hamda korxona mutaxassislari bilan ishlash orqali mavjud muammolarga yechim topish, innovatsion ishlanmalarni amaliyotga tatbiq etish bo‘yicha takliflar bildirildi.