KATTA JAMOADA ISTIQLOL NE’MATLARI SHUKRONASI

Asosiy > Yangiliklar > KATTA JAMOADA ISTIQLOL NE’MATLARI SHUKRONASI

KATTA JAMOADA ISTIQLOL NE’MATLARI SHUKRONASI

PVX, kaustik soda va metanol ishlab chiqarish majmuasida bayram tadbiri tashkil etildi. Unda bildirilgan samimiy tilaklar, bayramona kayfiyat va ko‘tarinki ruh jamoa a’zolarini yangi mehnat zafarlari sari ruhlantirdi.
Mustaqillik — millat g‘ururi, Vatan qudrati va buyuk kelajak poydevoridir. Istiqlol — kechagi orzularni bugungi voqelikka, bugungi maqsadlarni ertangi zafarlarga aylantirgan buyuk kuch. Ozod yurtda yashash — baxt, uning ravnaqi uchun mehnat qilish — sharaf!

Mustaqilligimizning 35 yilligi majmua mehnat jamoasi uchun ham Vatan ravnaqi, xalqimiz farovonligi va mamlakatimiz sanoat salohiyatini yanada yuksaltirish yo‘lida fidokorona mehnat qilishga undaydigan ulug‘ ayyom sifatida keng nishonlandi. Ayniqsa, jamoa a’zolarining faol ishtiroki, ijodiy yondashuvi va hamjihatligi tadbirning mazmunli va ko‘tarinki ruhda o‘tishiga xizmat qildi.
Bayram tadbiri mehnat jamoasini ezgu maqsadlar atrofida yanada jipslashtirib, barchaga unutilmas taassurotlar va xush kayfiyat bag‘ishladi. Bu esa yangi marralarni zabt etish, belgilangan rejalarni amalga oshirishda kuch-quvvat demak.