KIMYОGARLARNING KASB BAYRAMI TANTANA QILINDI

Asosiy > Yangiliklar > KIMYОGARLARNING KASB BAYRAMI TANTANA QILINDI

KIMYОGARLARNING KASB BAYRAMI TANTANA QILINDI

Bugun korxonaning faollar zalida kimyogarlarning kasb bayrami keng tantana qilindi.Tadbir avvalida jamiyatda so‘nggi uch yilda erishilgan yutuq va natijalar aks etgan rolik yig‘ilganlar e’tiboriga havola etildi.

“Navoiyazot” AJ boshqaruvi raisi Farrux Samadov tantana ishtirokchilari hamda barcha kimyogarlarni ayyom bilan muborakbod etdi. Sohaning mashaqqati, mas’uliyatiga qaramasdan fidokorona mehnat qilayotgan barcha mutaxassislarning korxona taraqqiyotidagi o‘rni yuqori ekanligi ta’kidlandi.

Ishlab chiqarish jarayonining samaradorligi, mahsulot sifati, raqobatbardoshligi, eksport imkoniyatlarining kengayishi katta jamoaning bir maqsad yo‘lidagi mehnati mahsulidir. Tadbirda barchaga minnatdorlik bildirilib, soha vakillarining kelgusi faoliyatida kuch-quvvat, shijoat, omad tark etmasligi tilandi.