KORRUPSIYАSIZ JAMIYАT SARI QADAM

Asosiy > Yangiliklar > KORRUPSIYАSIZ JAMIYАT SARI QADAM

KORRUPSIYАSIZ JAMIYАT SARI QADAM

Korxonaning 18-sexida jamiyat boshqaruvi raisining yoshlar masalalari bo‘yicha maslahatchisi hamda Korrupsiyaga qarshi ichki nazorat va komplayens boshqarmasi boshlig‘i ishtirokida poraxo‘rlikning oldini olishga qaratilgan targ‘ibot tadbiri tashkil etildi. Unda korrupsiyaga qarshi kurashish sohasida amalga oshirilayotgan islohotlar va qonunchilikdagi yangiliklar muhokama qilindi.

Yig‘ilish davomida poraxo‘rlik va mansab vakolatlarini suiiste’mol qilishning huquqiy oqibatlari, javobgarlik choralari hamda bunday holatlarning oldini olish mexanizmlari haqida batafsil ma’lumot berildi. Shuningdek, ichki nazorat tizimining ahamiyati va komplayens nazoratining asosiy vazifalari yuzasidan tushuntirish ishlari olib borildi.

Tadbirda amaliy misollar keltirilib, xodimlarning huquqiy ongi va madaniyatini yuksaltirish, xizmat vazifalarini vijdonan hamda halol bajarish muhimligi alohida ta’kidlandi.

Savol-javoblar orqali ishtirokchilarni qiziqtirgan masalalarga oydinlik kiritildi.