LABORATORIYА XODIMLARINING MALAKASI OSHIRILMOQDA

Asosiy > Yangiliklar > LABORATORIYА XODIMLARINING MALAKASI OSHIRILMOQDA

LABORATORIYА XODIMLARINING MALAKASI OSHIRILMOQDA

8-iyundan 12-iyungacha korxonaning o‘quv markazida ISO/IEC 17025 (O‘zDSt ISO/IEC 17025:2019) xalqaro standarti bo‘yicha o‘quv kursi tashkil etilgan. Mashg‘ulotlarda sinov va kalibrlash laboratoriyalari faoliyatini samarali tashkil etish, ularning texnik kompetentligini ta’minlash, sifat menejmenti tizimini takomillashtirish, xavf va imkoniyatlarni baholash hamda standart talablarini amaliyotga tatbiq etish masalalari bo‘yicha ma’lumot berilmoqda.

Kurs davomida tinglovchilar xalqaro standart talablarini qo‘llash bo‘yicha nazariy bilimlarini mustahkamlash bilan bir qatorda, laboratoriya jarayonlarini boshqarish va hujjatlashtirishga oid amaliy ko‘nikmalarni ham oshiradilar.

Mazkur o‘quv kursi korxona laboratoriyalarining xalqaro talablarga muvofiq faoliyat yuritishini ta’minlash, o‘lchash va sinov natijalarining ishonchliligini yanada oshirish, akkreditatsiya talablarini samarali bajarish hamda mahsulot va xizmatlar sifatini oshirishda muhim ahamiyat kasb etadi.